Доживеј го Тиквешќе ви ги открие најмистериозните и најдалечни убавини на Тиквешкиот регион. Ако Дебарско Езеро, Глобочица, Калиманци се лесно пристапни и патот води речиси постојано по нивниот брег, тоа не важи за Тиквешко Езеро. Скриено длабоко кон изолираното Мариово, езерото е достапно само за лицата штосакаат да истражуваат. За тоа колку бил длабок кањонот на Црна Река зборува и фактот што езерото има длабочина поголема од таа на Преспанско Езеро.
Почнувајќи од т.н. Ресавски Залив, глисерот ве води13километри јужно, поминувајќи покрај стариот град Тиквеш, пасѐ до манастирот посветен на св. Ѓорѓи. Манастирот е познат и како Полошки манастир, а името го добива по селото Полошко, целосно потопено со создавањето на ТиквешкоЕзеро. Пред изградбата на езерото манастирот бил над живописниот кањон на Црна Река. Денес единствениот пристап до манастирот е по воден пат.
Дали е тоа црквата мавзолеј на Јован Драгушин, чиjшто скелете откриен во црквата, која е врската на манастирот со Света Гора, како се откриени ликовите на ктиторите, кои се мистериозните фрески и какви чуда се поврзуваат со посетата на овој манастир? Ќе ја чуете и легендата за локалитетот МоминскаКарпа. За да ја спасат својата чест,три девојки од село Галиште се фрлаат од карпата. За да не се премисли некоја, претходно си ги врзуваат плетенките една со друга.И денес огромната карпа влева страв, но и почит за херојскиот чин.
Дали знаете дека високо над езерото постојат пештерни цркви од 14 век во кои монасите живееле осаменички живот посветен на Бога? Токму еден таков средновековен бисер е пештерната црква посветена на св Лазар, дел од македонската Света Гора.
Тиквешките услови се посебни за одгледување винова лоза, па многу семејства од овој регион прават домашни вино и ракија. Мора да ги пробаме, нели? А каде, ако не во семејна винарска визба во Кавадарци. Турата завршува со посета на локалитетот Моклиште. Локалитетот го оправдува своето име, кое значи влажно место, бидејќи во непосредна близина се наоѓа и Ваташка Река. Моклишкиот манастир е посветен на свети Николаи датира од крајот на 16век.
Интересно е што само неколку километри над тоа место се наоѓа Моклишко Езеро,езерошто е единствено во државата по начинот на кој е настанато, а што е друго интересно за овој крај ќе дознаеме тука.Моклиште е атрактивнавикенд-локација каде што може да уживате во добра храна од неколкуте ресторани. Можеби ќе чуете и некоја чудна рибарска приказна поврзана со ТиквешкоЕзеро. Ги има многу.По посетата на Моклишкиот манастир следува вкусна закуска во локалните ресторани.
Логистички информации: Почетна точка на турата е Кавадарци. Турата вклучува превоз до Ресавски Залив и Моклиште и превоз со глисер по Тиквешко Езеро. Капацитетот на глисерот е осум лица. Потребно време за реализација на турата е околу пет часа.
Кавадарци
08:00
