На педесетина километри од Битола се наоѓа, можеби, најизолираниот дел во државата– Мариово. Патот преку Новаци, Маково и Рапеш нѐ води во Старавина, а од тука има уште само трикилометри до село Градешница. Последното село во битолскиот крај на Мариово. По патот,паузата на Рапешки мостна Црна Рекаќе биде вистински одмор за вашите сетила.
Меѓу селата Старавина и Градешница е тврдината Пешта, поврзана со познатата Мариовска буна во средината на XVI век и со приказната за Калеш Анѓа, но тврдината е разурната поради временските услови, но и како резултат од последиците од Првата светска војна.Од седумте цркви во Градешницанајголема е таа што е посветена на св. Никола, главна црква лоцирана сретсело, со убава чешма пред самиот влез. Центарот на селото личи на мал градски плоштад. Само имагинацијата денес може да ве врати во минатото и да претпоставите како се одвивал животот пред еден век.
Само на стотина метри од центарот на селото веднаш ќе се соочите со немите сведоци на минатото, чиишто траги сè уште се забележуваат. Од лева страна во една од селските куќи стојат голем број гранати, бомби, војнички шлемови од различни војски, бајонети, фенери, пушки…. од времето на Првата светска војна.
Во близина на црквата „Св. Спас“ ќе може да ги погледнетевинарските визби во карпи стари со милениуми. Ги има многу во Мариово. Ќе слушнете за овој уникатен начин на производство на вино, а ќе ги забележите и длабените кругови во цврстите карпи од кои се изработувале воденичарски камења.
Во селото од далеку ќе ја слушнете силната Градешничка Река. Собирајќи ги водите од Ниџе Планина, реката е многу брза во пролетниот период. За убавините на целиот регион доволно говори и фактот што веднаш од другата страна на планината се наоѓа селото Пожарско (Лутраки) со убавите бањи соприродна топла вода. Ги дели само планината, таму горе е врвот Кајмакчалан, а источно и врвот Сокол и Добро Поле. Местото на најголемиот хорор за време на големата војна.
Посетата на село Старавина ќе биде искористена за посета на главната црква „Успение на Богородица“. Ќе дознаете зошто горната црква во селото никогаш не била завршена и зошто фреските во црквите претходно биле испишани на грчки.
Последниот дел од авантурата е посета на селотоЗовиќ и на прекрасниот мост во селото над Градешка Река. Сигурно ќе го препознаете бидејќи често е користен во филмски сцени.Доколку дозволуваат временските услови, капењето во една од најчистите реки во близина на мостот ви гарантира незаборавно и уникатно искуство.
На крај турата завршува со храна подготвена под вршник во етноресторан во селото Зовиќ.
Логистички информации: Почетна точка на турата е Битола. Турата вклучува организиран превоз до селата во Мариово. За искачување и спуштање до/од тврдината Пешта се потребни околу 40 минути.
Битола
08:00
