Малореканскиот крај со селата Гари, Лазарополе, Тресонче, Селце, Росоки, Осој и Могорче е еден од најубавите региони во државата.Името го добива по Мала Река,која е најголемата лева притока на реката Радика, со должина од 21,3 километри, а вливот во Радика е на местото викано Бошков мост. Обожавателите на најчиста, недопрена, исконска природа неизбежно треба да го имаат во листата на посетени места.
Гари, првиот мијачки бисер во оваа тура, е родното место на Петре Филиповски – Гарката, еден од најпознатите копаничари, чиишто врвни дела и денес ги красат иконостасите во црквитениз земјава. Овде, во Гари, пиеме кафе и уживаме во типична македонска архитектура.
За Лазарополе,од кој било селанец ќе го слушнете преданието за неговото име, според кое се вели дека селаните што бегале од Турците се скриле во пештерата Калина Дупка, но Турците ги пронашле и ги убиле сите селани. Се спасил само Лазар, кој успеал да им побегне и да излезе во полето каде што основал ново село, именувано токму ЛазарополеЛазарополе се наоѓа на 1.350 метри надморска височина, што, секако, условува да има свежи и пријатни лета, но, од друга страна, долги и студени зими.
Едно од најинтересните места, кое овозможува директно „вкусување“ на природата, епрошетката низ шума до врвот Соколица (1.0471 мн.в.).Едночасовната прошетка, која почнува од Лазарополе, е погодна и за фамилијарно раздвижување бидејќи е кратка и релаксирана. Попатно ќе наидеме намалата црква„Свети Спас“, а кога ќе стигнеме на самата карпа каде што е поставен крст, ќе ве одушеви погледот наоколу.Вистинскисоколов поглед.Од далеку Лазарополе, почетната дестинација, сега личи на големо гнездо, а се протега поглед и конселата Осој и Могорче, кон околните планини и врвови, кои се издигнуваат насекаде околу вас, а под вас Тресонечка Река. „Одете да го видите нашето Колорадо“, со тие зборови една повозрасна жена ја опиша оваа феноменална панорама.
По фантастичната прошетка, време е за одмор и за уживање. Во центарот на село Лазарополе, во „Калин хотел“, уживаме во вкусна храна и одушевувачки амбиент.
За крај, одиме во манастирот посветен на свети Ѓорѓи Победоносец, којсе наоѓа во близина на Дебар, во селото Рајчица. Патот поминува покрај ДебарскоЕзерои преку познатиот мост, кој е подолг од 300 метри.Манастирот е метох на Бигорскиот манастир. Плени со својата убавина. Вреди да сенапиеме уште едно кафе, заедно со монахињите, кои ги откриваат тајните на монашкиот живот.
Логистички информации: Почетна точка на турата е Маврово. Турата вклучува организиран превоз до село Лазарополе. Планинарската патека од селото Лазарополе до врвот Соколица и црквата „Свети Спас“ е со должина одпет километраво двата правци и со висинска разлика од околу 200 метри.
Маврови Анови
08:00
